الانقلاب وصل صنعاء

يمنات
ما تحدث عنه إعلام هادي وجلال إبنه طيلة الأيام الماضية لم يكن مجرد إشاعة:
الانقلاب وصل فعلا الى صنعاء في موعده بالضبط أول أمس،
وجلس يدور
يدور
يدور
يدور
يدور
لمّا تعب،
ومالقيش رئيس!
بعدين، ضِبِح وبَزَّ نفسه الى عند اللي جلسوا يخططوا له ويتواصلوا معه عشان يجي يحدث ضد هادي في صنعاء، وقال لهم بوجه مقلوب:
ذلحين أنتو جبتوني من آخر الدنيا عشان أخلِّصكم من الرئيس حقكم وإلا عشان أجي أدوِّر لكم رئيس؟!
شوفوا يا فَرَغ!
المرة الجاية لما تتواصلوا مع انقلاب ثاني عشان يجي ينقلب على الرئيس، قولوا له أولاً يجزِّع لكم معه رئيس عشان لما يوصل ينقلب عليه!
يلعن عاركم وعار اللي يصدقكم يا بلا رئيس ولا ناموس ولا عقل!
أيش يفعل الانقلاب الكامل في القصر العَطَل؟!
وبعدين، قام لَبَجْهُم
وراح..
من حائط الكاتب على الفيس بوك